رد البحر على الشاعر

[center][center]رد البحر على الشاعر المحترم هشام الجخ

و ياريت لو يوم قراها يبقى يعذرنى

أصل البحر فى بينى و بينه عشرة عمر

ما يهمنيش تارك و لا يهمنى تهديد

أنا جيت هنا دارك و أنت اللى ظالم أكيد

تعالى نحسبها هات ورقه هات قلمك

وأى شىء نحسبه شهد عليه قلبك

فاكر أنا زيارتك كأنها أمبارح

جبتلى نانا وجيت والعقل كان سارح

حكتلى عن حبكم عن وعد بين قلبكم

شربتنى همكم مع أنه كان مالح

شربته و أنا فرحان ماأصلها طبيعتى

قولتولى ع الأسرار رمتها فى سريرتى

بالنسبه للعاشقين شطى ملاذ أمن

يادوب أنا شغلتى شاهد و مش ضامن

أضمن منين البشر كانوا ضمنوا نفسيهم

بيجيولى يتعاهدوا و أشهد أنا عليهم

متجيش تقولى يا بحر أنت هنا مسئول

منطق غريب مرفوض ولا تقبلوش عقول

بتقول سمايا هتبقى ليل و هتطفى شمسى

وهتطمس الدنيا و نهارها و ناسى أمسى

أكشف جرف جرس جوف و كتف دوس

أنا أصلى يا ما سمعت هوا الكلام بفلوس

زغزغت رجليها تمام و أنا معترف

رفعت عنها الحجاب فى شغلتى محترف

دا كله فى حضورك هتقول عليا ندل

فى كتير من العشاق ليا عليهم فضل

و الفضل فضل الله و ياريت متظلمنيش

خلص الكلام عندى و أحكم بقى بالعدل

بقلمى : إبراهيم زيتون

[/center]
[/center]

[url="http://www.samygames.com/"][ندعوك للتسجيل في المنتدى أو التعريف بنفسك لمعاينة هذه الصورة][/url]